ජනපති අලුත් අවුරුදු චාරිත්‍ර ඉටු කරයි

සමස්ත ශ්‍රී ලංකාවාසී ජනතාව සමග එක්ව, හෙළ සිරිතට මුල්තැන දෙමින් ජනාධිපති මෛත්‍රීපාල සිරිසේන මහතා අද (14) කොළඹ, මහගම සේකර මාවතේ පිහිටි සිය නිල නිවසේ සිට අලුත් අවුරුදු චාරිත්‍ර ඉටුකිරීමට එක් විය.

ජනාධිපති මෛත්‍රීපාල සිරිසේන මහතා , ජයන්ති සිරිසේන මැතිණිය ඇතුළු පවුලේ සැම එක්ව සුබ නැකතට ලිප ගිනි මොළවා අලුත් අවුරුදු චාරිත්‍ර ඉටු කළේය.

වැඩ ඇල්ලීමේ චාරිත්‍රය ඉටුකරමින් ජනාධිපතිවරයා විසින් ජනාධිපති නිල නිවස පරිශ්‍රයේ පැළයක් රෝපණය කළේය.

අනතුරුව ගනුදෙනු කිරීමේ චාරිත්‍රය සඳහා එක් විය.

උදා වූ සිංහල හා දෙමළ අලුත් අවුරුද්දට ජනපතිවරයා වෙත සුබපැතුම් පළ කිරීමට මැති ඇමතිවරු, කලාකරුවන්, හිතවතුන් මෙන්ම විවිධ ජනකොටස් නියෝජනය කරමින් විශාල පිරිසක් ජනාධිපති නිල නිවස වෙත පැමිණ සිටි අතර, ඔවුන් සියලුදෙනා සුහදව පිළිගත් ජනපතිවරයා ආහාර අනුභව කිරීමේ නැකැතට එම සියලුදෙනා එක්කර ගනිමින් ඔවුන්ට ආහාරපාන වලින් සංග්‍රහ කළේය.

උදාවූ සිංහල හා දෙමළ අලුත් අවුරුද්ද වෙනුවෙන් සමස්ථ ශ්‍රී ලංකාවාසී ජනතාවට සිය සුභාශීංසන සහ ආශිර්වාද පළ කරමින් ජනපතිවරයා ප්‍රකාශ කළේ සියලුදෙනා එකටසිටිමින් මාතෘ භූමිය වෙනුවෙන් වගකීම් ඉටුකිරීමට ලැබුවා වූ අලුත් අවුරුද්දේ අධිෂ්ඨානශීලි විය යුතු බවයි.

පැළයක් සිටුවා මතු පරපුරත්, පරිසරයත් වෙනුවෙන් තම පුරවැසි වගකීම ඉටුකිරීමට එක්වන ලෙස ජනාධිපති මෛත්‍රීපාල සිරිසේන මහතා සමස්ත ජනතාවගෙන් ඉල්ලීමක් ද කළේය.

Recommended For You

About the Author: Editor