වැල්ලම්පිටිය තඹ කර්මාන්ත ශාලාවේ සැකකරුවන්ට ඇප ලැබුණ හේතු සොයා බලනවා – පොලිස් මාධ්‍ය ප‍්‍රකාශක

සිනමන් ග‍්‍රෑන්ඞ් බෝම්බකරුට අයත් තඹ කර්මාන්ත ශාලාවේ සේවකයින්ට ඇප ලැබීමට සම්බන්ධව වැල්ලම්පිටිය පොලිසියේ යම් දෝෂයක් තිබේ දැයි පොලිස් මූලස්ථානය විසින් විමර්ශනයක් ආරම්භ කර ඇතැයි පොලිස් මාධ්‍ය ප‍්‍රකාශක රුවන් ගුණසේකර මහතා පවසයි.

වත්මක් ආරක්ෂක තත්ත්වය පිළිබඳ ජනමාධ්‍ය දැනුවත් කිරීම සඳහා අද පැවැති මාධ්‍ය හමුවේදී පොලිස් මාධ්‍ය ප‍්‍රකාශකවරයා මේ බව කීවේය. එහිදී වැඩි දුරටත් කරුණු හෙළි කළ පොලිස් මාධ්‍ය ප‍්‍රකාශකවරයා මෙසේ ද සඳහන් කළේය.

සිනමන් ග්‍රෑන්ඩ් බෝම්බකරු වන මොහොමඩ් ඊබ්‍රාහිම් ඉන්ෂාප් අහමඩ් යන අයට අයිති තඹ කර්මාන්ත ශාලාවේ සේවකයින් 09 දෙනා පසුගිය අප්‍රේල් 22 අත්අඩංගුවට ගෙන මැයි 06 දක්වා  බන්ධනාගාර ගත කොට  අධිකරණය විසින් ඇප මත මුදා හැරියා.

ඒසේ ඇපදීමට සිදුවීම සම්බන්ධව වැල්ලම්පිටිය පොලිස් නිලධාරීන්ගේ දෝෂයක් ඇතැයි වාර්තා වුන අතර ඒ පිළිබද පොලිස් මූලස්ථානය විමර්ශන ආරම්භ කර තිබෙනවා. එහිදී එම නිලධාරීන්ගේ දෝෂයක් වේ නම් ඔවුන්ට විරුද්ධව දැඩි පියවර ගැනීමට බලාපොරොත්තු වෙනවා.

ත්‍රස්ත්‍රවාදී කටයුතුවලට අදාළව සැකපිට හොරොව්පතාන පදිංචි අබ්දුල් මජීඩ් යන අය අත්අඩංගුවට ගෙන දින 03ක් ප්‍රශ්න කර මැයි 14 දක්වා බන්ධනාගාර ගත කර තිබේ. ඔහුගේ ඥාතියෙක් හොරොව්පතාන පොලිස් ස්ථානාධිපතිගෙන් ඉල්ලා ඇත්තේ පෙර කී පුද්ගලයාට ඇප ලබාදෙන ලෙසත් ඒ වෙනුවෙන් රුපියල් ලක්ෂ 05 ක මුදලක් ලබාදෙන බවත් ය එහිදී පොලිස් ස්ථානාධිපති වහාම තම ජ්‍යෙෂ්ඨ පොලිස් නිලධාරින් හා අල්ලස් හෝ දූෂණ වංචා විමර්ශන කොමිෂන් සභාව දැනුම්වත් කර අද හොරොව්පතාන පොලීසියේදී එම පුද්ගලයා විසින් රුපියල් ලක්ෂ 2 ½ ක් ස්ථානාධිපතිවරයාට දෙන විට‍ අල්ලස් හෝ දූෂණ වංචා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන ඇත. එසේ අත්අඩංගුවට ගත්තේ හොරොව්පතාන මුක්කර වැව මොහොමඩ් ෂිපාන් නැමැති අයයි.

කොච්චිකඩේ හා මීගමුව ප්‍රදේශයේ ගැටුම් ඇතිකර ගත් පුද්ගලයින් විසින් හා එම ප්‍රදේශයේ ආගමික නායකයින් හා එක්ව ඔවුන්ගේ පැමිණිලි ඉවත් කරගෙන ජ්‍යෙෂ්ඨ පොලිස් අධිකාරීවරයකු ඉදිරියේ සමතයකට පත්කර ගෙන ඇත.

බුත්තල පැලවත්ත සීනි සමාගමේ සේවකයින් ප්‍රධාන මෙහෙයුම් නිලධාරියා සැක සහිත බව පවසමින් උද්ඝෝෂණයක නිරත වුණා. ඒ පිළිබද විමර්ශනය කළ ආරක්ෂක අංශවලට ගමන් කථන 05ක්, ඇමති ආරක්ෂක කිහිපයක්, ආලෝක සංඥා මුගුරු 03ක් පොලිස් රථවාහන නිලධාරීන් භාවිතා කරන අත් වැසුම් 07ක් සොයා ගත්තා. එම මෙහෙයුම් නිලධාරියා ඔහුගේ රියදුරු සහ තවත් සේවකයෙක් අත්අඩංගුවට ගෙන විමර්ශන සිදු කරනවා.

Recommended For You

About the Author: Editor