රට පාවාදෙන වෙළද ගිවිසුම් වහා හකුලා ගනු – ශ‍්‍රී ලංකා පොදුජන පෙරමුණ

රටේ ස්වාධීනත්වය පාවා දෙන සෝපා ඇතුලූ රටට අහිතර අනෙකුත් ගිවිසුම් මැතිවරණයට පෙර අත්සන් කිරීමට ආණ්ඩුව සුදානම් වුවහොත් ජනතා ආරක්ෂාව වෙනුවෙන් ජනතාව පෙළගස්වන බව ශී‍්‍ර ලංකා පොදුජන පෙරමුණ පවසයි. 

අද පෙරවරුවේ කොළඹ නෙලූම් මාවතේ පිහිටි පක්ෂ ප‍්‍රධාන කාර්යාලයේ පැවති මාධ්‍ය හමුවකදී පාර්ලිමේන්තු මන්ත‍්‍රී රෝහිත අබේගුණවර්ධන මහතා මේ බව සදහන් කලේය.

ජනාධිපතිවරණයෙන් පසුව පිහිටුවනු ලබන පොදු ජන පෙරමුණු රජයක් යටතේ වත්මන් රජයේ වංචා දුෂණ සහ අක‍්‍රමිකතා මෙන්ම රාජ්‍ය ආයතන විනාශ කිරීම සම්බන්ධයෙන් විශේෂ ජනාධිපති කොමිෂන් සභාවක් පත්කරනු ලබන බව ද ඒ මහතා සදහන් කලේය.

FCID වැනි ආයතනවල නීත්‍යාණූකූල පසුබිම සොයා විධිමත් පසුබිමක් යටතේ ඒවා කි‍්‍රයාත්මක කරන බව මෙම මාධ්‍ය හමුවට සහභාගි වු මහින්ද යාපා අබේවර්ධන මහතා අවධාරණය කලේය. 

මීට අමතරව වත්මන් රජය පවත්වාගෙන යනු ලබන ත‍්‍රිපුද්ගල මහාධිකරන සහ FCID යද රහස් පොලීසිය ශක්තිමත් කිරීමද නව රජයක් යටතේද සිදුකරනු ලබයි. මෙහිදී, FCID ආයතනය පවත්වාගෙන යනු ලබන්නේ කුමන නීතියක් යටතේද යන්නත් කුමන  චක‍්‍රලේකයක් යටතේද යන්නත් විශේෂයෙන් සොයා බැලිය යුතු බව ද ඒ මහතා මෙහිදී අවධාරනය කලේය.

වත්මන් රජය මෙන් නොව පොදුජන පෙරමුණු රජයක් යටතේ රාජ්‍ය ආයතන විනාශ කිරීමට දායක වූ ආයතන ප‍්‍රධානීන්ටත් ඔවුන් පත්කල නායකයින්ටත් විධිමත් ආකාරයට නීතිය ක‍්‍රියාත්මක කරනු ලබන බව ඒ මහතා වැඩිදුරටත් සදහන් කලේය. 

පසුගිය වසර පහක කාලය තුල රාජ්‍ය ආයතන තමන්ගේ අම්මාගේ අප්පාගේ භූදලයක් ලෙස සලකා කටයුතු කල දේශපාලඥයින්ට එරෙහිව මෙම ආයතන හරහාම දැඩි නීතිමය ක‍්‍රියාමාර්ග ගන්නා බව හිටපු අමාත්‍ය රෝහණ කුමාර දිසානායක මහතා  ද මෙහිදී සදහන් කලේය.

Recommended For You

About the Author: Editor