‘සෞභා­ග්‍යයේ දැක්ම’ ආග­මික සංක­ල්ප­වලට මුල් තැන දීමක් – ගෝඨා­භය රාජ­පක්ෂ

‘සෞභා­ග්‍යයේ දැක්ම’ නමැති ප්‍රති­පත්ති ප්‍රකා­ශ­නය සකස් කිරී­මේදී රාජ්‍ය පාල­නය පිළි­බඳ ආග­මික සංක­ල්ප­යන්ට විශේෂ අව­ධා­න­යක් යොමු කර ඇතැයි පොදු ජන පෙර­මුණේ ජනා­ධි­පතිධූර අපේ­ක්ෂක ගෝඨා­භය රාජ­පක්ෂ මහතා පව­සයි.

ඊයේ (25) සිය ප‍්‍රතිපත්ති ප‍්‍රකාශනය එළිදැක්වීමේ උත්සවයේදී ගෝඨාභය රාජපක්ෂ මහතා මේ බව ප‍්‍රකාශ කළේය. ශ‍්‍රීලපොපෙ සභාපති මහින්ද රාජපක්ෂ මහතා ඇතුළු ශ‍්‍රී ලංකා පොදුජන පෙරමුණට සම්බන්ධ පක්ෂ නායකයෝ මේ අවස්ථාවට සහභාගී වූහ.

 ‘සෞභා­ග්‍යයේ දැක්ම‘ ප්‍රති­පත්ති ප්‍රකා­ශ­නය ‘ජන­තාව විසින්ම – ජන­තාව උදෙ­සාම‘ සකස් කරන ලද ‘ජනතා ප්‍රති­පත්ති මාලා­වක් බව පෙන්වා දෙන ඒ මහතා මේ ප්‍රති­පත්ති මාලාව මඟින් ඉදි­රි­පත් කර ඇත්තේ රටේ ස්වෛරී­ත්වය සුර­කින, දේශී­ය­ත්ව­යට ප්‍රමු­ඛ­ත්වය දෙන, සියලු පුර­වැ­සි­යන්ගේ සුභ­සි­ද්ධිය වෙනු­වෙන් කැප වුණු , තාරු­ණ්‍යය මත විශ්වා­සය තබන වැඩ­පි­ළි­වෙ­ළක් බවද කීය.

ශක්ති­මත් ආර්ථි­ක­ය­කට හිමි­කම් කියන, අභි­මා­න­වත් ස්වෛරී ජාති­යක් ලෙස නැගී සිටි­න්නට අවශ්‍ය කරන මූලික සංකල්ප එහි අඩං­ගුව තිබෙන බවත් ඒකීය රටක් වනප ශ්‍රී ලංකාව බෙදා වෙන් කර­න්නට කිසි­වි­ටක ඉඩ නොදෙන බවද ඔහු පව­සයි.

එමෙන්ම ස්වෛරී රටක් වන ශ්‍රී ලංකා­වට අන­වශ්‍ය අත­පෙ­වීම් කර­න්නට කිසිදු විදේශ බල­වේ­ග­ය­කට ඉඩ නොත­බන බවත් ජාතික ආර­ක්ෂාව රජයේ මූලික වග­කී­මක් ලෙස සලකා කට­යුතු කරන බවද ඔහු පව­සයි.

මවු­බිම ත්‍රස්ත­වා­ද­යෙන්, පාතාල ක්‍රියා­කා­ර­ක­ම්ව­ලින්, සොර බියෙන්, කප්පම් කරු­ව­න්ගෙන්, මත්ද්‍රව්‍ය උව­දු­රින් හා හිංස­න­යෙන් මෙන්ම විදේශ තර්ජ­න­ය­න්ගෙන්ද සුර­ක්ෂිත රටක් කර­න්නට අවශ්‍ය රාජ්‍ය ආර­ක්ෂක යාන්ත්‍ර­ණය යළි ශක්ති­මත්ව ගොඩ­නං­වන බවද ඒ මහතා පව­සයි.

Recommended For You

About the Author: Editor