කටකතාවලින් – සමාජ මාධ්‍යවලින් රටක් නවත්වන්න බෑ – ඇමැති නවීන් දිසානායක

දේශපාලන වාසි ලබා ගැනීම සඳහා කට කතාවලින් සහ සමාජ මාධ්‍යවලින් රට නතර කිරීමට ඇතැමුන් උත්සාහ කරමින් සිටින බව වැවිලි කර්මාන්ත ඇමැති නවීන් දිසානායක මහතා පවසයි.

අමාත්‍ය නවින් දිසානායක මහතා මේ බව ප්‍රකාශ කළේ අද (13) දා බත්තරමුල්ල, සෙත්සිරිපාය (ii අදියර), 08 වන මහලේ පිහිටි වැවිලි කර්මාන්ත අමාත්‍යාංශ ශ්‍රවනාගාරයේදී පොල් වගාකිරීමේ මණ්ඩලයේ රැකියා පුරප්පාඩු සඳහා කාර්යාල කාර්ය සහයක තනතුර සඳහා හා කළමනාකරණ සහකාර තනතුර සඳහා  පත්වීම් 20ක් ලබා දීමේ අවස්ථාවට සහභාගී වෙමිනි.

ඇමැතිවරයා මෙසේ ද සඳහන් කළේය.

කට කතාවලින් සමාජ මාධ්‍යවලින් රටක් නවත්වන්න බෑ. නොයෙකුත් අය හදනවා සාමාන්‍ය ජන ජීවිතය ඒ හරහා නවත්වන්න. ඒ අයගේ කෙටි දේශපාලන වාසි සඳහා තමයි ඒ අය ඒ දේවල් කරන්නේ. දැන් රටේ තත්ත්වය අනාරක්ෂිත තත්වයක් කීවාට රටේ එහෙම තත්ත්වයක් නෑ. අපි අපේ මනසින් මේවා දුරු කර ගන්න අවශ්‍යයි. නමුත් අපි ශක්තිමත් විය යුතුයි

වැවිලි කර්මාන්ත අමාත්‍ය නවින් දිසානායක මහතා මේ බව ප්‍රකාශ කළේ අද (13) දා බත්තරමුල්ල, සෙත්සිරිපාය (ii අදියර), 08 වන මහලේ පිහිටි වැවිලි කර්මාන්ත අමාත්‍යාංශ ශ්‍රවනාගාරයේදී පොල් වගාකිරීමේ මණ්ඩලයේ රැකියා පුරප්පාඩු සඳහා කාර්යාල කාර්ය සහයක තනතුර සඳහා හා කළමනාකරණ සහකාර තනතුර සඳහා  පත්වීම් 20ක් ලබා දීමේ අවස්ථාවට සහභාගී වෙමිනි.

වැඩිදුරටත් අමාත්‍යවරයා පවසා සිටියේ,

මම අද ඉතාමත් සතුටු වෙනවා කාලෙකට කළින් දිය යුතුව තිබූ පත්වීම් වගයක් අද ප්‍රදානය කිරීමට ලැබීම ගැන. අපේ ඉලක්කය තිබුණේ ගිය වසරේ මේ පත්වීම් ලබා දෙන්න. දේශපාලනිකව සිදු වූ වෙනස්කම් නිසා අපිට මේ පත්වීම් අවලංගු කරන්න සිද්ධ වුණා. නමුත් අන්තිමේදී අපිට ඒ පත්වීම් ලබා දෙන්න හැකි වීම් පිළිබඳව සතුටුයි. මේ අය අතර මා සමඟ නිරන්තරයෙන්ම වැඩ කටයුතු කරන සුහදශීලී පිරිසක් මේ අතර ඉන්නවා. ඒ අයට මම ස්තූතියිවන්ත වෙනවා මා ගැන විශ්වාසය තබලා මා සමඟම එක්ව සිටීම පිළිබඳව. මම ඉදිරියටත් රැකී රක්ෂා ලබා දෙන්න පොරොන්දු වෙනවා.

මේ දේශපාලනික දේවල්වලට සම්බන්ධ වෙන්නේ නැතුව මේ පත්වීම්වලින් තමන්ට රාජකාරී කරන්න ලබා දෙන ස්ථානයට ගිහිල්ලා වැඩ කරලා ඔය ගොල්ලන්ගේ දක්ෂකම් පෙන්වන්න. එවිට ආයතනයත් ශක්තිමත් වෙනවා. අපිටත් ඕනේ මේ ආයතනයේ අනාගතයට හොඳ පිරිසක්. ඔබට ඒ හැකියාව තියෙනවා. ඒ නිසා දක්ෂකම පෙන්නලා ආයතනය ශක්තිමත් කරලා ඉදිරියට එන්න.

1970 ගණන්වල පටන් ගත්ත පැරණි ආයතනයක් මේක. අපි හිතනවා මේ ආයතනයට තියෙනවා විශාල වගකීමක් අපේ රටේ ප්‍රධාන බෝගයක් වන  පොල් ගස ආරක්ෂා කිරීමට.  එහි වැවීම , නඩත්තු කිරීම, පොල් ගසේ වැඩීම පිළිබඳ සොයා බැලීම් ඒ වගේ සියලු දේවල් කෙරෙන්නේ පොල් වගා කිරීම මණ්ඩලය හරහායි. මේ ආයතනයට රජයෙන් විශාල සම්පත් ප්‍රමාණයක් ලැබෙනවා. රුපියල් මිලියන දාහක් පමණ වර්ෂයකට ලැබෙනවා. වැඩි මුදලක් යන්නේ සාමාන්‍ය පොල් වගාකරුවන්ට. ඒ නිසා ඔබට යුතුකමක් තියෙනවා ඒ වැඩ පිළිවෙළ ශක්තිමත්ව ඉදිරියට ගෙනියන්න.

අපේ පැත්තෙන් අපි උත්සාහ කරනවා විශේෂයෙන්ම උතුරු නැගෙනහිර පොල් වගාව තව දියුණු කරන්න. ඉතිං මේ ආයතනය හා ඔබ බැඳී හිඳ මේ ආයතනයෙන් වරප්‍රසාද ලබා ගන්නා අතරම මේ ආයතනය ශක්තිමත් කරන්නත් උපරිම දක්ෂතාවන් හැකියාවන් ඉස්මතු කරලා පෙන්වන්න කියලා මම ඉල්ලා සිටිනවා. මෙතනින් ඔබ නතර වෙන්න එපා ඉදිරියට අදාළ සුදුසුකම් සකස් කරගෙන අනාගතය හදා ගන්න. තමන් කැමති විදිහට ඉගෙන ගන්න. එකම තැන ලොප් වෙන්නේ නැතුව මෙතැනින් ඉහළයට යන්න. හැම දෙනාටම සුබ අනාගතයක්. 

Recommended For You

About the Author: Editor