අපේ පෝෂණය අපේ වැරෙන්

ශ්‍රී ලංකාවාසීන්  නිසි ලෙස ආහාර ගැනීම ප්‍රමුඛතා ලැයිස්තුවේ අවසානයට දැමීම හේතුවෙන්, ජනතාවත් සමාජ ආර්ථික අර්බුදයකට ලක් වී ඇත. වෙනත් සංවර්ධන ඉලක්කයන් ළඟා කරගත් ලංකාවට, මන්ද පෝෂණය හා අධිපෝෂණය සහ සෞඛ්‍යය නඟා ගන්නා අවස්ථා බොහෝය. එමෙන්ම පොහොසත් යැයි කියන පවුල්වල සෞඛ්‍යය ඉතාම පහත මට්ටමක තිබෙනු දක්නට ඇත.

අප රටේ අවුරුදු 5ට වඩා අඩු ළමුන් පස් දෙනෙක්ගෙන් එක් කෙනෙකුගේ වයසට සරිලන බර අඩුය. මෙවැනි කුඩා දරුවෙකුගේ උස අඩුවීම, මොළයේ වර්ධනයට ද බලපායි. මුළු ජනගහනයෙන් 25% රක්තහීනතාවයෙන් පසු වේ. මෙය ආහාරවල යකඩ හෝ විටමින් E අඩුවීමෙන් ඇතිවන තත්ත්වයකි. මෑතකදී කරන ලද අධ්‍යයනයන්ගෙන් පෙනෙන්නේ තවමත් ජනතාවට විටමින් හීන බවයි. මන්ද අඩු පෝෂණය ඵලදායිතාවය හා ඉගෙනගැනීම හීන කිරීමට හේතු වේ. මෙවැනි පෝෂක නිර්ණායකයන් සමග අධි පෝෂණයෙන් පෙළෙන විශාල ජන කොට්ඨාශයකුත් අප අතර ඇත. අධි පෝෂණය අප සාමාන්‍යයෙන් හඳුනාගන්නේ වැඩි බර හෝ ස්ථූල බව ලෙසය. ඒ සමගම ලේවල සීනි වැඩි වීමෙන් දියවැඩියාවද ඉහළයාමත් සමඟ ඇතිවන අධික රුධිර පීඩනය ද නිසා හෘදයාබාධ හා අපස්මාරය වැනි රෝග ඇති වේ. මෙම අනුචිත පෝෂණ තත්ත්වයට බලපාන්නේ නිසි ලෙස ආහාර නොගැනීමයි.

ආහාර නිසි ලෙස ගැනීම යනු

වෙලාවට ආහාර වේල් තුනක් ගැනීමත් වැඩි බර තත්ත්වයක් නම් කුඩා ආහාර වේල් පමණක් ගැනීම උදේ ආහාර වේල පෙරවරු 7.30 දිවා ආහාරය ප.ව 12.30 හා රාත්‍රී ආහාරය පස්වරු 7 පෙර ගැනීම වැදගත්ය.

නියමිත ප්‍රමාණයන්ගෙන් ආහාර ගැනීමත් සිදු කළ යුතුය. පිඟානෙන් අඩක් පමණ පිටි සහිත ආහාර ද තුනෙන් එකක් එළවළු හා පලා ද හයෙන් එකක් පමණ මස් හෝ මාළු හෝ බිත්තර ද මාංශ බෝග වන බෝංචි මෑ දඹල වැනි ආහාරවලින් සමන්විත විය යුතුයග දිනකට පලතුරු වර්ග දෙකක් (කෝප්ප 2ක්) ප‍්‍රමාණයක් ලබා ගත යුතුය. සීනි අධික පලතුරුවලට වඩා ඌන සංවර්ධිත එනම් ප්‍රභේද නැති පළතුරු ගුණයෙන් වැඩියග සීනිවලින් අඩුයග මේවා නම් කාමරංගාල සැපදිල්ලාල ලොවිල නෙල්ලිල කටු අනෝදාල ලාවුළු වැනි පලතුරුය. ඒවාකුඩා පොළවල්වලින් ලබාගත හැකි පලතුරුය.

ආහාර වේල විවිධ වීම ඉතා වැදගත් යග ප‍්‍රධාන ආහාර වේලකට ධාන්‍ය, අල, බතල, මස්, මාළු, බිත්තර, මාංශ බෝග, කිරි ආහාර, එළවළු, පලා, පලතුරු, තෙල් වර්ග සීමාසහිතව තෙල් සහිත ඇට යන ආහාර කාණ්ඩයන් නමයෙන් 5ක් හෝ හයක් වත් දිනකට ගැනීම මැනවි.

විශාකා තිලකරත්න, සභාපති, ශ්‍රී ලංකා පෝෂණ සංගමය

Recommended For You

About the Author: Editor