තේරීම් කාරක සභාව හමුවේ සාක්ෂි දෙමින් ජාතික බුද්ධි ප‍්‍රධානියා කළ ප‍්‍රකාශය අසත්‍ය බව ජනපති කියයි

පාස්කු ඉරිදා ප‍්‍රහාරය පිළිබඳව ජනපති මෛත‍්‍රීපාල සිරිසේන මහතා දැනුවත් කර තිබූ බවට පළ වන දේශීය හා විදේශීය මාධ්‍ය වාර්තා සම්බන්ධයෙන්ම අසත්‍ය බව ජනපතිවරයා දන්වා සිටින බව ජනාධිපති මාධ්‍ය අංශය විසින් නිකුත් කළ මාධ්‍ය නිවේදනයක සඳහන් වේ.

එම නිවේදනය සම්පූර්ණයෙන්ම මෙසේය.

අපේ‍්‍රල් 21 වන දා ත‍්‍රස්තවාදී ප‍්‍රහාරය පිළිබඳව පරීක්ෂා කර බලා වාර්තා කිරීම සඳහා ශ‍්‍රී ලංකා පාර්ලිමේන්තුව විසින් පත් කළ තේරීම් කාරක සභාව හමුවේ සාක්ෂි දෙමින් ජාතික බුද්ධි ප‍්‍රධානියා කළ ප‍්‍රකාශයක් මාධ්‍ය ඔස්සේ පළ වී තිබේ.

එකී මාධ්‍ය වාර්තා මගින් කියැවෙන්නේ 2019 පෙබරවාරි මාසයෙන් පසුව ජාතික ආරක්ෂක මණ්ඩලය රැස් නොවූ බවයි. ගෙවී ගිය වසරකට වැඩි කාලයක් ජාතික ආරක්ෂක මණ්ඩලය තුළ සිදු කෙරුණු සාකච්ඡා නිල නොවන ලෙස මාධ්‍ය මගින් පළවීමට පටන් ගැනීම හේතුවෙන් ජාතික ආරක්ෂක මණ්ඩලයට වඩා වෙනස් ව්‍යුහයකින් යුක්ත වූ ජාතික ආරක්ෂක කමිටුව පිහිටුවන්නට කටයුතු කෙරිණි. එම ජාතික ආරක්ෂක කමිටුව පසුගිය කාලය තුළ සති දෙකකට වරක් අඛණ්ඩව රැස් වී තිබූ අතර, ඇතැම් අවස්ථාවල ගරු ජනාධිපතිතුමා විසින් සතියකට වරක් ද එම රැස්වීම කැඳවීමට කටයුතු කළේය.

එමෙන් ම 2019 අපේ‍්‍රල් 08 වෙනි දා පොලිස්පතිවරයා ඇතුථ ජ්‍යෙෂ්ඨ පොලිස් නිලධාරීන්ගේ මාසික රැුස්වීම ද ගරු ජනාධිපතිතුමා විසින් කැඳවා තිබිණි. පැය දෙකකට අධික කාලයක් පැවති එම සාකච්ඡුාවේ දී හෝ මෙවැනි ත‍්‍රස්ත සැලැස්මක් පිළිබඳව තොරතුරු ලැබී ඇති බවට කිසිදු නිලධාරියකු ජනාධිපතිතුමා දැනුවත් කර නොමැත. එමෙන් ම අපේ‍්‍රල් 21 සිදුවීම සිදුවිය හැකි බවට විදේශ මිත‍්‍ර රටකින් ලබා දී තිබූ කිසිදු තොරතුරක් පිළිබදව ආරක්ෂක ලේකම්වරයා, පොලිස්පතිවරයා හෝ වෙනත් නිලධාරියකු විසින් ගරු ජනාධිපතිතුමා දැනුවත් කිරීමට පියවර ගෙන නොතිබිණි.

එබැවින් මෙම සිදුවීම පිළිබද ගරු ජනාධිපතිතුමා දැනුවත් කර තිබූ බවට පළ වන දේශීය හා විදේශීය මාධ්‍ය වාර්තා සම්පූර්ණයෙන් අසත්‍ය බව ජනාධිපතිතුමා දන්වා සිටී.

Recommended For You

About the Author: Editor