ග‍්‍රීන්ලන්තය සල්ලිවලට ගන්න ගිය ට‍්‍රම්ප් ඩෙන්මාර්ක් සංචාරය අවංලගු කරයි

අමෙරිකා ජනාධිපති ඩොනල්ඩ් ට්‍රම්ප් සිය ඩෙන්මාර්කයේ සංචාරය අවලංගු කළ බව ඇමෙරිකානු මාධ්‍ය වාර්තා කරනවා.

ඩෙන්මාර්ක් රැජිනගේ ආරාධනයකට අනුව අමෙරිකා ජනාධිපති ඩොනල්ඩ් ට්‍රම්ප් ලබන මස දෙවන දා ඩෙන්මාර්කයේ සංචාරයක නිරත වීමට නියමිතව තිබුණා.

එහෙත් ඩෙන්මාර්ක් අග්‍රාමාත්‍ය මෙට් ෆෙඩ්රික්සන් ග්‍රීන්ලන්තය සම්බන්ධයෙන් අමෙරිකා ජනාධිපතිවරයා කර තිබූ ප්‍රකාශයකට ප්‍රතිචාර දක්වා තිබුණා.

ඩොනල්ඩ් ට්‍රම්ප් පසුගියදා සදහන් කර තිබුණේ ග්‍රීන්ලන්තය මුදලට ගැනීමට සූදානම් බවයි. එම ප්‍රකාශයට ඩෙන්මාර්ක් අග්‍රාමාත්‍යවරයා ප්‍රතිචාර දක්වමින් සදහන් කර තිබුණේ එසේ මිලදී ගැනීමට ග්‍රීන්ලන්තය භාණ්ඩයක් නොවන බවයි.

ඩෙන්මාර්ක් අග්‍රාමාත්‍ය මෙට් ෆෙඩ්රික්සන් ග්‍රීන්ලන්තය සම්බන්ධයෙන් කළ ප්‍රකාශයකට විරෝධය පළ කරමින් ට්‍රම්ප් ජනාධිපතිවරයා මෙම තීරණය ගෙන ඇති බවයි සදහන් වන්නේ.

Recommended For You

About the Author: Editor