Voice of දියවන්නා : මෛත‍්‍රීපාල ගැන ප‍්‍රසන්නගේ විරෝධයට ‘පොහොට්ටුවේ මන්ත‍්‍රීන්ගෙන් පැසසුම්’

සටහන – ගජබා නාගහවත්ත

පසුගිය සතියේ ප්‍රසන්න සහ නාමල් කුවෙට් බලා ගියේ එරට පොදුජන පෙරමුණේ ශාඛාවේ නිලධාරීන්ගේ ඉල්ලීමක් අනුවය. එම ශාඛාවේ සභාපති සුමිත් මේ දෙදෙනාට ආරාධනා කර තිබුණේ ජනාධිපතිවරණයේ ජයග්‍රහණය වෙනුවෙන් කැපවුණු පිරිසට ස්තුතිය පුද කිරීම සඳහාය.

උත්සවයෙන් පසුව පිරිස සුහද කතාබහක නියැලෙන අතර සුමිත් අපූරු හෙළිදරව්වක් කළේය.

“මේ වතාවේ ඡන්දෙට ජනාධිපතිවරණයටත් වඩා වැඩි පිරිසක් පිටරට ඉඳන් ලංකාවට ඡන්දෙ දාන්න යනවා“ සුමිත් කීවේය.

“ඒ මොකද? ප්‍රසන්න ඇසුවේය.

“මහ මැතිවරණය තියෙන්නේ අලුත් අවුරුදු කිට්ටුවනෙ. ඒ කාලටෙ කොහොමත් මේ රටවල ඉන්න අය ලංකාවට යනවා. ඒ හින්දයි මම කියන්නේ ජනාධිපතිවරණයටත් වැඩි පිරිසක් ඡන්දෙ දෙන්න යනවා කියලා“ සුමිත් පැහැදිලි කළේය.

“ඡන්දෙ තියන්නේ අලුත් අවුරුද්දට පස්සේ නිසා ඔයාලා කට්ටිය දැනුවත් කරන්න අප්‍රේල් මුල ලංකාවට යන්නේ නැතුව අවුරුද්දට දින ළං කරලම යන්න කියලා. එතකොට ඡන්දෙ ඉවර වෙනකම් ලංකාවේ ඉන්න ඒ අයට අවස්ථාවක් ලැබෙනවා“ ප්‍රසන්න උපදෙස් දුන්නේය.

මෛත‍්‍රීපාලට එරෙහිවීමේ ඇත්ත හේතුව ප‍්‍රසන්න බැසිල්ට මතක් කර දෙයි

කාට අමතක වුණත් මෛත්‍රි මේ රටටත් මහින්ද මහත්තයටත් කරපු හානිය මට අමතක කරන්න පුළුවන්කමක් නැහැ“ ප්‍රසන්න

මේ අතර ප්‍රසන්නට බැසිල්ගෙන් දුරකථන ඇමතුමක් ලැබුණේය. බැසිල් ප්‍රසන්න අමතා තිබුණේ ශ්‍රී ලංකා පොදුජන පෙරමුණ සහ නිදහස් පක්ෂය අතර සන්ධානය සම්බන්ධයෙන් දැනුවත් කිරීමටය. නිදහස් පක්ෂය සමඟ එක්වීම ගැන ප්‍රසන්න සිටියේ දැඩි විරෝධයකය. විශේෂයෙන් මෛත්‍රි ළංකර ගැනීම සම්බන්ධයෙන් ප්‍රසන්න මුල සිටම දැඩි විරෝධයක් දැක්වීය.

බැසිල්ගේ කතාවට කන්දෙමින් සිටි ප්‍රසන්න අවසානයේ කීවේ,

“ සර්ලා ගත්තු තීන්දුව ගැන මට විවේනයක් නැහැ. හැබැයි මම නම් ඕකට කොහෙත්ම කැමැති නැහැ. මෛත්‍රි සම්බන්ධ කරගන්න එකට නම් මට කැමැති වෙන්න විදියක් නැහැ. මොකද කාට අමතක වුණත් මෛත්‍රි මේ රටටත් මහින්ද මහත්තයටත් කරපු හානිය මට අමතක කරන්න පුළුවන්කමක් නැහැ“ ප්‍රසන්න පැවසිය.

“හරි ප්‍රසන්න අපි ඕවා ගැන හෙමිහිට කතා කරමුකෝ“ බැසිල් කීවේය.

“දැන් මොකක්ද සර් ඔය සන්ධානයේ ලකුණ? ප්‍රසන්න ඇසුවේය.

“ලකුණ නම් පොහොට්ටුව“ බැසිල් පැවසීය.

“එහෙම නම් කමක් නැහැ. මොනවා වුණත් අපිට පොහොට්ටුව අතහැරලා ගමනක් නැහැ“ ප්‍රසන්න කීවේය.

අපි දන්නවා අයියා මුල ඉඳන්ම ඕකට විරුද්ධව හිටපු බව. ඒත් දැන් ඉතින් තීන්දුවක් අරගෙන තියෙනවා නේ . ඒ නිසා අපි කලබල නොවී ඉම්මු“ නාමල් ප්‍රසන්න අස්වසමින් කීවේය.

නාමල් ප‍්‍රසන්නගේ හිත හදයි

දුරකථනය විසන්ධි වීමෙන් පසුව නාමල් ඇසුවේ මොකක්ද අයියේ කේස් එක කියාය. ප්‍රසන්න කීවේ පොහොට්ටුව සහ නිදහස් පක්ෂය සන්ධානගත වීමට තීන්දු කර ඇති බවය.

“අපි දන්නවා අයියා මුල ඉඳන්ම ඕකට විරුද්ධව හිටපු බව. ඒත් දැන් ඉතින් තීන්දුවක් අරගෙන තියෙනවා නේ . ඒ නිසා අපි කලබල නොවී ඉම්මු“ නාමල් ප්‍රසන්න අස්වසමින් කීවේය.

අනතුරුව පිරිස කතාබහ කරමින් සිටින අතරතුරේ නාමල් සිය මංගල්‍යයේ සිදුවූ රස සිද්ධීන් විස්තර කළේය. නාමල් කීවේ විශාල පිරිසකට ආරාධනා කළ නමුත් මත්පැන් නොදුන් නිසා ලොකු මුදලක් ඉතුරු වුණු බවය. ඒ අතරම නාමල් තව කතාවක් කීවේය.

“අපේ තාත්තටත් හිතවත් අපිත් දන්න කෙනෙක් ඉන්නවා ප්‍රංශයේ. කොහොම හරි මට අමතක වුණා ඒ කෙනාට ආරාධනා පත්‍රයක් යවන්න. මගුල් ගේ ඉවරවෙලා ටික දවසකින් මට එයාගෙන් ලියුමක් ආවා. ඒ ලියුමේ තිබුණේ අපේ අම්මගෙයි තාත්තගෙයි ආරාධනා පත්‍රය. බැලින්නම් එයා අපේ තාත්තගේ වෙඩින් එකටත් ගිහින්. මට අමතක වුණ නිසා තමයි මෙච්චර කල් අරන් තියන් හිටපු ඒ කාඩ් එක මටම එවලා තියෙන්නේ“ නාමල් සිනාසෙමින් පැවසීය.

“ඒකෙන් පේනවා මහින්ද මහත්තයට මේ රටේ මිනිස්සු කොච්චර ආදරේද කියලා. එහෙම නැත්නම් මෙච්ච කාලයක් ආරාධනා පත්‍රය අරන් තියන් ඉඳිද? ප්‍රසන්න පැවසීය.

ඒක නම් කෙළින් කතාවක්. මුළු රටම දන්නවා ප්‍රසන්නගේ විරෝධය ගැන. මේ දවස්වල කාටුන්කාරයන්ටත් ප්‍රසන්න ඇමැතිතුමාගෙන් තොර ලෝකයක් නැහැ – සනත්

මේ දවස්වල කාටුන්කාරයන්ටත් ප්‍රසන්නගෙන් තොර ලෝකයක් නැහැ

පසුගිය සතියේ පාර්ලිමේන්තුවේ දී ප්‍රසන්න, සනත් නිශාන්ත ඇතුළු පිරිසක් කතා කරමින් සිටින තැනට පියල් ආවේ මහ හඬින් කෑගසමිනි. පියල් ඇසුවේ මෛත්‍රිට සභාපති ධුරය දීම ගැනය.

“‍මොකද ඇමැතිතුමා සටන පැරදුණා නේද? කොහොම හරි මෛත්‍රි උන්නැහේ සන්ධානයේ සභාපති වුණානේ“ පියල් ඇසුවේය.

“මේකනේ මල්ලි වැඩේ. කවුරු කැමැති වුණත් මම ඒකට කැමැති නැහැ. මම මුල ඉඳන්ම මෛත්‍රිට කැමැති නැහැ. මහින්ද මහත්තයාට විරුද්ධව වගේම රටටත් එයා කරපු දේවල් මට අමතක වෙන්නේ නැහැ. ඒවා අමතක කරන්නෙත් නැහැ. සන්ධානයේ සභාපති නෙමේ නායකයා වුණත් මගේ විරෝධතාව අයින් කරගන්නෙත් නැහැ“ ප්‍රසන්න පැවසීය.

“ඒක නම් කෙළින් කතාවක්. මුළු රටම දන්නවා ප්‍රසන්නගේ විරෝධය ගැන. මේ දවස්වල කාටුන්කාරයන්ටත් ප්‍රසන්න ඇමැතිතුමාගෙන් තොර ලෝකයක් නැහැ“ සනත් කීවෙය.

“මම එදා ඉඳන් කියන්නේ මෛත්‍රිව විශ්වාස කරන්න බැහැ කියලයි. මගේ තීරණය එදත් එහෙමයි. අදත් එහෙමයි. හෙටත් එහෙමයි“ ප්‍රසන්න අවධාරණය කළේය.

Recommended For You

About the Author: Editor