තවමත් ලකුණ හුවමාරු කර ගැනීමේ කිසිම බාධාවක් නෑ – සජිත්

ඊයේ පැවැති එක්සත් ජාතික පක්ෂ කෘත්‍යාධිකාරී මණ්ඩල රැස්විමේදි ඡන්ද විමසීමක් සිදු නොවුණ බවත් මෙවැනි අවස්ථාවක පාර්ලිමේන්තු මන්ත්‍රී කණ්ඩායමෙන් විමසීමක් සිදුවිය යුතු බවත් විපක්ෂනායක සජිත් ප්‍රේමදාස මහතා පැවසුවා.

ඊයේ (01) පැවැති කෘත්‍යාධිකාරී මණ්ඩල රැස්වීම පිළිබඳව මාධ්‍ය දැනුවත් කිරිමට අද (02) කොළඹදී පැවැති මාධ්‍ය හමුවකදීයි විපක්ෂ නායකවරයා මේ බව ප‍්‍රකාශ කළේ.

මෙහිදී වැඩි දුරටත් අදහස් දක්වමින් පේ‍්‍රමදාස මහතා කියා සිටියේ ජාතික සමගි ජන බලවේගය ස්ථාපිත කරනු ලැබුවේද කෘත්‍යාධිකාරී මණ්ඩල රැස්වීමේදී තමන්ට ලබාදුන් වගකීම අනුව බවත් කෘත්‍යාධිකාරී මණ්ඩල තීරණ විධිමත්ව ක්‍රියාත්මක නොවුණ නිසා අද ගැටලුකාරි තත්ත්වයන් ඇතිව තිබෙන බවයි.

කෘත්‍යාධිකාරී මණ්ඩලය විසින් තමා වෙත ලබා දුන් බලය වගකීම හා ක්‍රියාදාමය අඩු කිරීමේ වැඩපිළි‍වෙළක් ක්‍රියාත්මක වූ බවට චෝදනා කළ පේ‍්‍රමදාස මහතා මැතිවරණයට ඉදිරිපත් වන ලකුණ ගැන කිසිම ප්‍රශ්යනක් නැති බවත් අලියා දෙනවනම් අලියා දිය යුතු බවත් හංසයා දෙනවනම් හංසයා දිය යුතු බවත් කියා සිටියා.

‘වෙනත් ඕනෑම ලකුණක් දෙන්න. තවමත් ලකුණ හුවමාරු කර ගැනීමේ කිසිම බාධාවක් නෑ’ පේ‍්‍රමදාස මහතා කියා සිටියා.

Recommended For You

About the Author: Editor