සිරිසේන පාවා දුන් බණ්ඩාරනායක ප‍්‍රතිපත්ති රකින්න NLFP හැදුවා – වෙල්ගම

ශ්‍රී ලංකා නිදහස් පක්ෂයේ ජේෂ්ඨ උප සභාපතිවරයෙකු වූ කුමාර වෙල්ගම මහතාගේ නායකත්වයෙන් ‘නව ලංකා නිදහස් පක්ෂය’ (NLFP ) නමින් නව දේශපාලන පක්ෂයක් අද දින (6) පිහිටුවා ගත්තා.

නව ලංකා නිදහස් පක්ෂයේ සමාරම්භක ‘උත්සවය පිරිසිදු බණ්ඩාරනායක ප්‍රතිපත්තිය වෙනුවෙන්‘ නම්කර තිබූ අතර එම උත්සවය පක්ෂයේ නායක කුමාර වෙල්ගමගේ ප්‍රධානත්වයෙන් පිටකෝට්ටේදී පැවැත් වුණා.

එහිදි නව ලංකා නිදහස් පක්ෂයේ ප්‍රතිපත්ති ප්‍රකාශය එහි ලේකම් තිලක් වරාගොඩ මහතා විසින් පක්ෂ නායක කුමාර වෙල්ගම මහතා වෙත පිළිගැන්වීමද සිදු වුණා.

එහිදී සභාව අමතමින් වරාගොඩ මහතා මෙසේ සදහන් කළා.

‘මේ වන විට විකුණා දමා ඇති ශ්‍රී ලංකා නිදහස් පක්ෂය කෙදිනක හෝ ගොඩගැනීම සඳහා සියලු දෙනාම එකතු වී සිටිනවා. බණ්ඩාරනායක මහතා විසින් නිර්මාණය කළ පක්ෂය කුමාරතුංග මැතිණිය විසින් රැක දුන්නා. එය කිසිදු උවදුරකින් තොරව 2015 වසර දක්වා සුරැකුණත් අද වන විට එය වෙනස් වෙලා තිබෙනවා. ඊට හේතුව වුණේ මෛත්‍රීපාල සිරිසේන පක්ෂය පවාදීමයි. අපි 2015 දී සිරිසේනගෙන් වෙන්ව ගියේ පක්ෂය පවා දුන් නිසා එයට විරෝධය දැක්වීමටයි. හිටපු ජනපතිනී චන්ද්‍රිකා මැතිණියගේ ආශිර්වාද මැද අද දිනයේ මෙම නව පක්ෂය පිහිටවනු ලැබුවා.

ඉදිරි මහ මැතිවරණයේ දී අප සියලු දෙනාම එකතු විය යුතුයි. ඒ තුළින් ආණ්ඩුව හෙල්ලීමට අවස්ථාව හිමි වෙනවා. ගෝඨාභය රාජපක්ෂ ආණ්ඩුව බොහෝ සෙයින් බලවත් යැයි පැවසුවත් පාර්ලිමේන්තුවේ දී එම මතය වෙනස් කළා. ඒ නිසා ඉදිරියේ දී ආණ්ඩුව දණගැස්වීමට ‘මහසෝනා’ සමඟ වුණත් අපි එකතු විය යුතුයි.

මෙහිදී අදහස් දැක්වූ කුමාර වෙල්ගම මහතා කියා සිටියේ ශ්‍රී ලංකා නිදහස් පක්ෂය වෙනම මැතිවරණයේ දී ඉදිරිපත් වුවහොත් ඡන්ද යම් ප්‍රමාණයක් හිමි වෙනු ඇති බවයි. ශ්‍රීලනිපයේ බොහෝ දෙනෙක් පොහොට්ටුවට ඡන්දය ලබා නොදෙන බවත් වෙල්ගම මහතා කියා සිටියා.

Recommended For You

About the Author: Editor