ජාතික ලැයිස්තු මන්ත‍්‍රීධුර 19ක් ගැසට් කරයි

පසුගිය අගෝස්තු 05 වැනි දින පැවැති පාර්ලිමේන්තු මැතිවරණයේදී තම පක්ෂවලට හිමිවූ ජාතික ලැයිස්තු මන්ත‍්‍රීධුරවලට අදාළව එක් එක් පක්ෂවලින් නම් කරන ලද ජාතික ලැයිස්තු මන්ත්‍රීවරුන් 19 දෙනකුගේ නම් ඇතුළත් අති විශේෂ ගැසට් පත්‍රයක මැතිවරණ කොමිෂන් සභාව විසින් ඊයේ (11) මධ්‍යම රාත‍්‍රියේ නිකුත් කළේය.

මෙසේ ගැසට් කරන ලද්දේ, ශ‍්‍රී ලංකා පොදුජන පෙරමුණ (17) ඉලංගෙයි තමිල් අරසු කච්චි (01) සහ අහිල ඉලංගෙයි තමිල් කොංග්‍රසය (01) නියෝජනය ජාතික ලැයිස්තු මන්ත්‍රීවරුන්ගේ නම් පමණයි.

ශ්‍රී ලංකා පොදුජන පෙරණේ ජාතික ලැයිස්තු මන්ත්‍රී ධූර සදහා ඉදිරිපත් කළ මහාචාර්ය ජී. එල්. පීරිස්, නීතිඥ සාගර කාරියවසම්, අජිත් නිවාඩ් කබ්රාල්, ජනාධිපති නීතිඥ මොහොමඩ් අලි සබ්රි, ජනාධිපති නීතිඥ ජයන්ත වීරසිංහ, විශ්‍රාමික ගුරු උපදේශිකා මංජුලා දිසානායක, ජ්‍යෙෂ්ඨ මහාචාර්ය රංජිත් බණ්ඩාර, මහාචාර්ය චරිත හේරත්, ගෙවිඳු කුමාරතුංග, හිටපු පාර්ලිමේන්තු මන්ත්‍රී මොහොමඩ් මුසාම්මිල්, මහාචාර්ය තිස්ස විතාරණ, ඉංජිනේරු යදාමිණි ගුණවර්ධන, ආචාර්ය සුරේන්ද්‍ර රාඝවන්, ව්‍යාපාරික ටිරාන් අලස්, විශේෂඥ වෛද්‍ය සීතා අරඹේපොළ, හිටපු පාර්ලිමේන්තු මන්ත්‍රී ජයන්ත කැටගොඩ.

ඉලංගෙයි තමිල් අරසු කච්චි විසින් මොහොමඩ් ෆලීල් මර්ජාන් මහතා ද තවරාජ අහිල ඉලංගෙයි තමිල් අරසු කොංග්‍රසයෙන් සෙල්වරාසා ගජේන්ද්‍රන් මහතා ද පාර්ලිමේන්තු සභිකයන් ලෙස නම් කර ඇත.

සමඟි ජනබලවේගය (07) ජාතික ජන බලවේගය (01) එක්සත් ජාතික පක්ෂය (01) සහ අපේ ජනබල පක්ෂයට (01) අදාළ ජාතික ලැයිස්තු මන්ත්‍රී ධුර මෙතෙක් ගැසට් කර නොමැත. ජාතික ලැයිස්තුව සම්බන්ධයෙන් මෙම පක්ෂ අභ්‍යන්තරයේ පවතින අර්බුද මෙලෙස ජාතික ලැයිස්තු නම් ප‍්‍රමාද වීමට හේතු වී තිබේ.

සමගි ජන බලවේගයට ජාතික ලැයිස්තු මන්ත්‍රී ධුර 07ක් හිමිව ඇති අතර අදාළ මන්ත්‍රී ධුර පත් කිරීම සම්බන්ධයෙන් සාකච්ඡා කිරීම සඳහා එම පක්ෂ නායකයින් ඊයේ (11) ද රැස් වුවත් අවසන් තීරණයක් ගැනීමට හැකි වී නැති බව වාර්තා වේ.

Recommended For You

About the Author: Editor