චීන ‘සියිනෝෆාර්ම් එන්නත‘ නිසා විදේශ රැකියා 200,000ක් රටට අහිමි වෙලා

‘යුරෝපයේ සහ මැදපෙරදිග බොහෝ රටවල් එම රටවල් වලට ශ්‍රමිකයන් ගෙන්වීමේදී චීන වැක්සීන පිළි නොගන්නා  බැවින් ලංකාවට විදේශ රැකියා ලක්ෂ දෙකක් පමණ අහිමි වී ඇති බවත් මේ තත්ත්වය තුළ චීන වැක්සීන මත සම්පූර්ණ බර තැබීම වෙනුවට, අවම වශයෙන් ලොව පිළිගන්නා එන්නත්, විදෙස්ගත වීමට අපේක්ෂිත ශ්‍රමිකයින්ට හෝ ලබා දීමේ වැඩපිළිවෙළක් වහා ඇරඹිය යුතු බවත්  වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමය මාධ්‍ය නිවේදනයක් නිකුත් කරමින් කියයි.

එම සංගමය පෙන්වා දෙන්නේ සියිනෝෆාර්ම් එන්නත සම්බන්ධයෙන් සංසන්දනාත්මක පර්යේෂණයක් සිදු කර නොමැති බැවින්, ජපුර පර්යේෂණ  ප්‍රතිඵලය භාවිතා කර, චීන වැක්සීනය “හොඳම වැක්සීනය” බව හැඟවීමට උත්සහ  ගැනීම වැරදි සහගත බවයි.

වෛද්‍ය රසායනාගාර විද්‍යාඥ වෘත්තීයවේදීන්ගේ විද්වත් සංගමය විසින් නිකුත් කළ මාධ්‍ය නිවේදනයේ මෙසේද සදහන් වේ.

‘‘සිනොෆාර්ම් එන්නත පිළිබඳව පමණක් සිදු කරනු ලබන පර්යේෂණයකින්, එය ලොව ඇති හොදම එන්නත බවට තහවුරු වෙන්නේ නැහැ.  ශ්‍රී ජයවර්ධනපුර විශ්වවිද්‍යාලය අදාල පර්යේෂණය සිදුකර ඇත්තේ සිනොෆාර්ම් එන්නත ගැන පමණයි. එන්නත් අතර සංසන්දනාත්මක පර්යේෂණයක් සිදු කර නොමැති බැවින්, ජපුර පර්යේෂණ  ප්‍රතිඵලය භාවිතා කර, චීන වැක්සීනය “හොඳම වැක්සීනය” බව හැඟවීමට උත්සහ  ගැනීම වැරදියි.

️ශ්‍රී ලංකාවේ රැකියා වෙළෙඳපොළ නොවෙනස්ව තිබියදී, වැක්සීනය හෙතුවෙන් රැකියා සදහා ශ්‍රමිකයන් යැවීමට නොහැකිවීම බරපතල ගැටලුවක්. යුරෝපයේ සහ මැදපෙරදිග බොහෝ රටවල් එම රටවල් වලට ශ්‍රමිකයන් ගෙන්වීමේදී චීන වැක්සීන පිළි නොගන්නා  බැවින්, මෙලෙස  ශ්‍රමිකයන් යැවීමට නොහැකි වී ඇති බව වාර්ථාවේ.

මේ වනවිටත් රැකියා ලක්ෂ දෙකකට වඩා වැඩි ප්‍රමාණයක් කොවිඩ් නිසා අහිමිව ඇති අතර, ඊට හේතුව රැකියා වෙළදපලේ අඩුවීමකට වඩා ශ්‍රමිකයන් යැවීට නොහැකිවීම බව තහවුරු වී ඇත.  එබැවින් චීන වැක්සීන මත සම්පූර්ණ බර තැබීම වෙනුවට, අවම වශයෙන් ලොව පිළිගන්නා එන්නත්, විදෙස්ගත වීමට අපේක්ෂිත ශ්‍රමිකයින්ට හෝ ලබා දීමේ වැඩපිළිවෙළක් වහා ඇරඹිය යුතුය.  

️සෞඛ්‍ය අමාත්‍යාංශයේ තීරණ ගැනීමේ ක්‍රියාවලිය ඉතා මන්දගාමී ස්වභාවයක් පෙන්වන අතර  තීරණ නොගන්නා නිළධාරීන් හොඳම නිලධාරීන් බවට පත් වීමේ තත්වයකට පත්ව තිබේ.  ඉහල සෞඛ්‍ය බලධාරීන්ගේ මෙකී දියාරු ප්‍රතිපත්ති හේතුවෙන් රජය විසින් ප්‍රතිපාදන වෙනකර ඇතත් උපකරණ සහ සැපයුම් පවා සෞඛ්‍ය සේවාට නොලැබී යෑමේ අනතුරක් පවතී. 

ප්‍රභේද පරීක්ෂණ සදහා උපකරණ ලබා නොදීම හේතුවෙන් අප අඳුරේ අතපත ගාමින් සිටී. PCR ධාරිතාව වැඩිකිරීම සදහාත්, අනෙකුත් රෝහල් අවශ්‍යතා සපුරා ගැනීම සදහාත් ලබා දී ඇති ප්‍රතිපාදන ඩෙන්ඩර් මණ්ඩල තීරණ නොමැතිව මාස ගණන් කල් ගත වෙමින් තිබේ. මේ හේතුවෙන්ම අප නැවත හතරවෙනි රැල්ලකට අත වනමින් සිටින අතර, එවන් තත්වයක් ඇතිවුවහොත් “නොකර සිටි නිළධාරී” ඊට වගකිව යුතුයි.

Recommended For You

About the Author: Thusal

Leave a Reply

Your email address will not be published. Required fields are marked *