‘ඇස්ට්‍රාසෙනෙකා’ පළමු මාත්‍රාව ලබා ගත් ලක්ෂ 6ක් ඩෙල්ටා සමග අනතුරේ !

ඇස්ට්‍රාසෙනෙකා පළමු මාත්‍රාව ලබා ගත් වසය අවුරුදු 30ට වැඩි ලක්ෂ 6ක පමණ පිරිසක් රට තුළ වේගයෙන් ව්‍යාප්ත වන ඩෙල්ටා ප්‍රභේදයට ගොදුරු විය හැකි බව ප්‍රමුඛ සෞඛ්‍ය විශේෂඥයෙක් බරපතළ අනතුරු ඇගයීමක් කර තිබෙනවා.

ඇස්ට්‍රාසෙනෙකා හි දෙවන මාත්‍රාව ලබා ගැනීම සඳහා බලා සිටින අය දැන් අවදානමට ලක්විය හැකි කණ්ඩායමට යටත් වී ඇති අතර පළමු මාත්‍රාවෙන් ජනනය වන ප්‍රතිශක්තිකරණ ප්‍රතිචාරය වේගයෙන් පහත වැටී ඇති බවයි ඔහු සදහන් කළේ.

කෙසේ වෙතත් ඔහු පැවසුවේ ප්‍රතිශක්තිකරණ ප්‍රතිචාරය සෑම කෙනෙකුටම එක හා සමානව අඩු නොවන බවත් පළමු මාත්‍රාව ලබාගත් තරුණ ජනගහනයට වැඩිහිටි ජනගහනයට වඩා හොඳ ප්‍රතිචාරයක් ඇති බවත්ය.

“කෙසේ වෙතත්, පළමු මාත්‍රාව ලබාගත් සෑම දෙනාටම, විශේෂයෙන් ඩෙල්ටා ප්‍රභේදය සමඟ දෙවන මාත්‍රාව ලබාදීම ඉතා වැදගත්. ඇස්ට්‍රාසෙනෙකා මාත්‍රාවන් දෙක අතර මුලින් සති 12 ක පරතරයක් පවත්වා ගෙන ගිය එක්සත් රාජධානිය වැනි රටවල් ඩෙල්ටා ප්‍රභේදය ඇතුළත් වීමත් සමඟ මෙම පරතරය සති 8 දක්වා කෙටි කර තිබෙනවා. මෙයට හේතුව කාලය ගෙවී යත්ම, එක් මාත්‍රාවකින් යමෙකුගේ ප්‍රතිශක්තිකරණ අඩු වීමයි.

ශ්‍රී ලංකාවේ පළමු මාත්‍රාව ලබා දී සති 20 කට ආසන්න කාලයක් ගත වී තිබෙනවා. ඔක්ස්ෆර්ඩ් සරසවිය කළ අධ්‍යයනයකින් හෙළි වී ඇත්තේ දෙවන මාත්‍රාව ප්‍රමාද වී ලබා දුන්නද පළමු මාත්‍රාව ලබාගත් අය නැවත එය ආරම්භ කළ යුතු බවයි. එය තවමත් බූස්ටරයක් ලෙස ක්‍රියා කරනවා.

ලෝක සෞඛ්‍ය සංවිධානයේ කෝවාක්ස් පහසුකම හරහා ඇස්ට්‍රාසෙනෙකා මාත්‍රාව මිලියනයකට වඩා වැඩි ප්‍රමාණයක් ජපානයෙන් පැමිණෙන්නේ කවදාද යන්න පිළිබඳව තවමත් පැහැදිලි තොරතුරක් නැහැ. එය ජූලි 21 වන විට පැමිණෙන බව රජය මුලදී ප්‍රකාශ කළ නමුත් සති අන්තයේ දී රාජ්‍ය අමාත්‍ය චන්න ජයසුමන මහතා පැවසුවේ ටෝකියෝ නුවර පැවැත්වෙන ඔලිම්පික් උළෙලේ ගුවන් ගමන් ප්‍රමාද වීම හේතුවෙන් තවත් ප්‍රමාදයක් සිදුවන බවයි. මාත්‍රාව මේ මාසයේ පැමිණෙනු ඇතැයි අපේක්ෂා කරනවා.

Recommended For You

About the Author: Thusal