ඇෆ්ගන් මානුෂික අර්බුදය ගැන මෝදි සහ පුටින් අතර හදිසි දුරකථන සාකච්ඡාවක්

තලේබාන් පාලනය යටතේ ඇෆ්ගනිස්ථානය දැඩි මානුෂීය අර්බුදයකට මුහුණ දී සිටින අවස්ථාවක දුරකථන සංවාදය සිදු විය.

ඉන්දීය අග්‍රාමාත්‍ය නරේන්ද්‍ර මෝදි සහ රුසියානු ජනාධිපති ව්ලැදිමීර් පුටින් අතර ඇෆ්ගනිස්ථානයේ වර්ධනය වෙමින් පවතින තත්වය පිළිබඳව දීර්ඝ දුරකථන සාකච්ඡාවක් ඊයේ (24) සිදු වූ බව indianewsntwork.com වෙබ් අඩවිය වාර්තා කරයි.

මෙම වර්ධනය පිළිබඳව දැනුවත් කරමින් අගමැති මෝදි ට්විටර් පණිවුඩයක් නිකුත් කරමින් මෙසේ පැවසීය: “ඇෆ්ගනිස්ථානයේ මෑත කාලීන වර්ධනයන් පිළිබඳව මගේ මිත්‍ර ජනාධිපති පුටින් සමඟ සවිස්තරාත්මක හා ප්‍රයෝජනවත් අදහස් හුවමාරු කර ගත්තා. COVID-19 ට එරෙහිව ඉන්දියාව-රුසියාව අතර සහයෝගීතාව ඇතුළු ද්විපාර්ශ්වික න්‍යාය පත්‍රය පිළිබඳව ද අපි සාකච්ඡා කළෙමු. වැදගත් කරුණු පිළිබඳව සමීප සාකච්ඡා දිගටම කරගෙන යාමට අපි එකඟ වුණා. ”

තලේබාන් කණ්ඩායමේ හිංසනයට බිය වී ඇෆ්ගනිස්ථානයෙන් දහස් ගණන් ජනතාව පලා යමින් සිටින අතර එරට තුළ දැඩි මානුෂීය අර්බුදයක් නිර්මාණය වී ඇත. මෝදි – පුටින් දුරකථන සංවාදය සිදු වූයේ ඒ අතරතුරය.

යුද්ධයෙන් විනාශයට පත් වූ ඇෆ්ගනිස්ථානයේ දශක ගණනාවක් තුළ පැවති නරකම තත්වය වර්තමානයේ දැක ගත හැකි අතර ගත වූ සතියක පමණ කාලය තුළ ඉන්දියාව කාබුල් නගරයෙන් 800 කට වැඩි පිරිසක් ඉවත් කර තිබේ. ඊයේ (24) ඇෆ්ගනිස්ථානයෙන් පුද්ගලයින් 78 දෙනෙකුගෙන් යුත් තවත් කණ්ඩායමක් ආපසු ගෙන එන ලදී.

පසුගිය සඳුදා අගමැති මෝදි ජර්මන් චාන්සලර් ආචාර්ය ඇන්ජෙලා මර්කල් සමඟ දුරකථනයෙන් කතා කළේය.

නායකයින් දෙදෙනාම ඇෆ්ගනිස්ථානයේ දිග හැරෙන ආරක්‍ෂක තත්ත්වය සහ කලාපය සහ ලෝකය කෙරෙහි එහි බලපෑම් පිළිබඳව සාකච්ඡා කළහ.

සාමය සහ ආරක්‍ෂාව පවත්වා ගැනීමේ වැදගත්කම ඔවුන් අවධාරණය කළ අතර, ඉතාමත්ම හදිසි ප්‍රමුඛතාව වූයේ අතරමංව සිටින මිනිසුන් ආපසු ගෙන්වා ගැනීමයි.

Recommended For You

About the Author: Thusal