පහන්තුඩාව දිය ඇල්ල අසල ‘අසභ්‍ය වීඩියෝ පටයක් කළ‘ යුවළ ගැන CID විමර්ශනයක්

බලංගොඩ, පහන්තුඩාව දිය ඇල්ල පසුබිම් කරගනිමින් තරුණ යුවළක් විසින් අසභ්‍ය වීඩියෝ පටයක් නිර්මාණය කිරීමේ සිද්ධිය සම්බන්ධයෙන් විශේෂ පරීක්ෂණයක් ආරම්භ කර ඇතැයි අපරාධ පරීක්ෂණ දෙපාර්තමේන්තුව පවසයි.

මෙම වීඩියෝ පටය මේ වන විට සමාජ මාධ්‍ය තුළ දැඩි ලෙස සංසරණය වෙමින් පවතී.

ෆේස්බුක්, ඉන්ස්ටග්‍රෑම් සහ වට්ස්ඇප් ඇතුළු සමාජ මාධ්‍ය ජාල වල සංසරණය වන මෙම අසභ්‍ය වීඩියෝ පටය සම්බන්ධයෙන් විවිධ පාර්ශවයන්ගෙන් දැඩි විරෝධයක් එල්ල වෙමින් පවතී.

ඒ අනුව අපරාධ පරීක්ෂණ දෙපාර්තමේන්තුවේ පරිගණක අපරාධ ඒකකයේ කණ්ඩායමක් පරීක්ෂණ ආරම්භ කිරීම සඳහා එම ස්ථානයට වෙත යාමට නියමිතව තිබේ.

මේ අතර තරුණ යුවළගේ ක්‍රියාවන් හෙළා දකිමින් පූජ්‍ය පසාරමුල්ලේ දයාවංශ හිමියන් ජනාධිපතිවරයාට ලිපියක් යවා තිබේ.

මෙම යුවළගේ ක්‍රියාවන් හේතුකොටගෙන ඇති අහිතකර ප්‍රතිඵල බොහෝමයක් සලකා බලා ඔවුන්ට එරෙහිව නීතිමය පියවර ගන්නා ලෙස දයාවංශ හිමියෝ සිය ලිපියෙන් ජනාධිපතිවරයාගෙන් ඉල්ලා සිටිති.

මෙම යුවළගේ ක්‍රියා කලාපය හේතුවෙන් එම ප්‍රදේශයට මෙන්ම එම ස්ථානයට ද අපකීර්තියක් ඇති වී ඇති බව උන්වහන්සේ ප්‍රකාශ කළහ. 

මෙම යුවළ මීමුරේදී ච මීට සමාන අසභ්‍ය වීඩියෝ පටයක් ද රූගත කර ඇති බව සඳහන් කළ හිමියෝ, මුදල් ලබා ගැනීම සඳහා මෙම වීඩියෝ නිෂ්පාදනය කර බෙදා හරින බව පැවසූහ.. 

එවැනි අන්තර්ගතයන් පුළුල් ලෙස සංසරණය වීම හේතුවෙන් සංචාරක ගමනාන්තයක් ලෙස ශ්‍රී ලංකාව දැඩි අවදානමකට මුහුණ පා සිටින බව දයාවංශ හිමියෝ වැඩිදුරටත් පැවසූහ. “මෙම ක්‍රියාවන් හේතුවෙන් ශ්‍රී ලංකාවේ සංචාරක කර්මාන්තය පිළිබඳ වැරදි අදහසක් ක්‍රියාත්මක වනු ඇත” යනුවෙන් ජනපතිවරයාට යවන ලද එම ලිපියේ සඳහන් වේ.

දම්සක් පදනමේ සභාපති ද වන ස්වාමින් වහන්සේ වැඩි දුරටත් කියා සිටියේ මෙවැනි ක්‍රියාවන් මාර්ගගත වේදිකාවන් තුළින් නිරන්තරයෙන් අධ්‍යාපනය ලබන දරුවන්ට දැඩි හානියක් සිදු කරන බවයි.

මෙම වීඩියෝ පටය සඳහා භාවිතා කරන පහන්තුඩාව දිය ඇල්ල සෑම වසරකම දේශීය හා විදේශීය වශයෙන් සංචාරකයින් විශාල සංඛ්‍යාවක් පැමිණේ. රත්නපුර බලංගොඩ පිහිටි දිය ඇල්ල ඉඹුල්ගොඩ ප්‍රාදේශීය සභා බල ප්‍රදේශයේ පිහිටා ඇත.

Recommended For You

About the Author: Thusal