වසර දෙකකට පසු ‘ප්‍රථම වරට එකිනෙකාගේ මුහුණ දුටු’ නිවුන් දැරියන් දෙදෙනා

හිසෙන් එකිනෙකා බද්ධ වී සිටි දෙහැවිරිදි නිවුන් දැරියන් දෙදෙනකු සාර්ථක සැත්කමකින් වෙන් කිරීමට ඊශ්‍රායල් වෛද්‍යවරුන් කණ්ඩායමක් සමත් වී තිබෙනවා.

පසුගිය සතියේ ඊශ්‍රායලයේ බියර්ෂෙබා නගරයේ පිහිටි සොරෝකා වෛද්‍ය මධ්‍යස්ථානයේ පැය 12ක සැත්කම සඳහා මාස ගණනක සූදානම් වූ අතර දැරියන්ට හිස කෙස් බද්ධ කිරීම ද සැත්කමට ඇතුළත් විය.

ඊශ්‍රායලයේ සහ විදේශයන්හි විශේෂඥයින් විශාල පිරිසක් මෙම දුර්ලභ සැත්කම සදහා සහභාගී වූහ.

නම් සඳහන් කර නොමැති දැරියන් හොඳින් සුවය ලබමින් සිටින බව සඳහන් වේ.

“ඔවුන් තනිවම හුස්ම ගනිමින් සහ ආහාර ගනිමින් සිටිනවා” සොරෝකාගේ ප්ලාස්ටික් සැත්කම් අංශයේ ප්‍රධානී එල්ඩාඩ් සිල්බර්ස්ටයින් ඊශ්‍රායලයේ චැනල් 12 ප්‍රවෘත්ති වෙත පැවසීය.

මේ වන තෙක් ලොව පුරා 20 වතාවක් පමණක් සිදු කළ මෙවැනි ශල්‍යකර්මයක් ඊශ්‍රායලයේදී සිදු කළ පළමු අවස්ථාව මෙයයි.

සැත්කමට පෙර නිවුන් දැරියන් දෙදෙනා
ගැහැණු ළමයින් ඉපදුණේ හිස පිටුපස එකිනෙක සම්බන්ධවය

ශල්‍යකර්මයට මාස කිහිපයකට පෙර, පිම්බෙන සිලිකොන් බෑග් ඔවුන්ගේ හිසට ඇතුළු කර, සම දිගු කිරීම සඳහා වරින් වර පුළුල් කරන ලදී. හිස් කබල් ප්‍රතිසංස්කරණය කිරීමෙන් පසු ඔවුන්ගේ හිස මුද්‍රා තැබීම සඳහා නව සම භාවිතා කරන ලදී.

නිවුන් දරුවන්ගේ ත්‍රිමාණ වර්චුවල් රියැලිටි ආකෘතියක් නිර්මාණය කිරීම ද ඇතුළත් බව සොරෝකාගේ ප්‍රධාන ස්නායු ශල්‍ය වෛද්‍ය මිකී ගිඩියොන් පැවසීය. “අපේ සතුටට මෙන්, අපි බලාපොරොත්තු වූ පරිදි සියල්ල සිදු වුණා,” ඔහු පැවසීය.

2020 අගෝස්තු මාසයේදී උපත ලැබූ ගැහැණු ළමයින් සම්පූර්ණයෙන්ම සාමාන්‍ය ජීවිතයක් ගත කරනු ඇතැයි අපේක්ෂා කෙරේ.

බී.බී.සී ඇසුරිනි

Recommended For You

About the Author: Thusal