ඔමික්‍රොන් ප්‍රභේදයට එරෙහි සටනේදී අප්‍රිකාවට ඉන්දියාවේ සහාය

ඉන්දියාවේ නිෂ්පාදිත එන්නත් සැපයීම කොවැක්ස්(COVAX) හරහා හෝ ද්විපාර්ශ්විකව සිදු කළ හැක.

මාරාන්තික කොවිඩ් ප්‍රභේදය වන ඔමික්‍රෝම් (Omicron) මගින් බලපෑමට ලක් වූ අප්‍රිකානු රටවල් සමඟ සහයෝගීතාවය ප්‍රකාශ කරමින් ඉන්දීය විදේශ කටයුතු අමාත්‍යාංශය සඳුදා ප්‍රකාශයක් නිකුත් කරමින් කියා සිටියේ එන්නත්, ජීවිතාරක්ෂක ඖෂධ සැපයීම සහ පරීක්ෂණ කට්ටල ඇතුළුව අප්‍රිකානු මහාද්වීපයේ රටවලට සහාය වීමට ඉන්දියාව සූදානම් බවයි.

ඉන්දියානු රජය දැනටමත් අප්‍රිකානු රටවලට එන්නත් සැපයුම් විධිමත් කර ඇති බව සඳහන් කරමින්, මලාවි, ඉතියෝපියාව, සැම්බියාව, මොසැම්බික්, ගිනියා සහ ලෙසතෝ වැනි අප්‍රිකානු රටවල් ඇතුළුව කොවිෂීල්ඩ්(COVISHIELD) එන්නත් සැපයීම සඳහා කොවැක්ස් පහසුකම යටත‌ේ මෙතෙක් ඇණවුම් කර ඇති සියලුම ඇණවුම් රජය විසින් ලබා දී ඇති බවයි.

“අපි බොට්ස්වානා වෙත කොවැක්සීන් සැපයුම් ද නිෂ්කාශනය කර ඇත්තෙමු. ද්විපාර්ශ්විකව හෝ කොවැක්ස් හරහා ප්‍රක්ෂේපණය කරන ඕනෑම නව අවශ්‍යතාවයක් කඩිනමින් සලකා බලනු ඇත,” ඉන්දීය විදේශ කටයුතු අමාත්‍යාංශ ප්‍රකාශය වැඩිදුරටත් සඳහන් කළේය.

අප්‍රිකානු රටවල ඕනෑම නව අවශ්‍යතාවයක් කඩිනමින් සලකා බලන බව එහි සඳහන් වේ.

“කොවිඩ්-19,හි නව ප්‍රභේදයක් වන ඔමික්‍රෝම් මතුවීම අපි සටහන් කර ඇත්තෙමු. ඔමික්‍රෝම් ප්‍රභේදයෙන් මෙතෙක් පීඩාවට පත් වූ රටවල් සමඟ, විශේෂයෙන් අප්‍රිකාවට, අපි අපගේ සහයෝගීතාවය ප්‍රකාශ කරමු, ” ඉන්දීය විදේශ කටයුතු අමාත්‍යාංශය‌ේ එම නිවේදනයේ පවසයි.

“ඉන්දියාවේ නිෂ්පාදිත එන්නත් සැපයීම ඇතුළුව ඔමික්‍රොන් ප්‍රභේදය සමඟ කටයුතු කිරීමේදී අප්‍රිකාවේ බලපෑමට ලක් වූ රටවලට සහය දැක්වීමට ඉන්දීය රජය සූදානම්” යනුවෙන් එහි සඳහන් වේ.

“අත්‍යවශ්‍ය ජීවිතාරක්ෂක ඖෂධ, පරීක්ෂණ කට්ටල, අත්වැසුම්, පීපීඊ කට්ටල සහ අවශ්‍ය පරිදි වාතාශ්‍රය වැනි වෛද්‍ය උපකරණ සැපයීමට ඉන්දියාව ද සූදානම්” බව එම ප්‍රකාශයේ සඳහන් වේ.

“ඉන්දියානු ආයතන ඔවුන්ගේ අප්‍රිකානු සගයන් සමඟ ප්‍රවේණි නිරීක්ෂණ සහ වෛරස් ගුනාංගීකරනය ආශ්‍රිත පර්යේෂණ කටයුතු සඳහා සහයෝගීතාවය සලකා බලනු ඇත” යනුවෙන් එහි වැඩිදුරටත් සඳහන් කළේය.

ඉන්දියා නිවුස් නෙට්වර්ක් වාර්තා කරන අන්දමට ඉන්දියාව මේ වන විට අප්‍රිකාවේ රටවල් 41 කට ඉන්දියාවෙන් නිෂ්පාදිත එන්නත් මාත්‍රා මිලියන 25 කට වැඩි ප්‍රමාණයක් ලබා දී ඇති බවත්, රටවල් 16 කට ප්‍රදානයක් ලෙස මාත්‍රා මිලියන 1 කට ආසන්න ප්‍රමාණයක් සහ කොවැක්ස් පහසුකම යටතේ රටවල් 33කට එන්නත් මාත්‍රා මිලියන 16 කට වැඩි ප්‍රමාණයක් ලබා දී ඇති බවත් වැඩිදුරටත් සඳහන් වේ.

Recommended For You

About the Author: Thusal