‘ප්‍රජාතන්ත්‍රවාදී රටවල් තම ව්‍යවස්ථාවෙන් දක්වා ඇති වටිනාකම් ලබා දිය යුතුයි‘

එක්සත් ජනපද ජනාධිපතිවරයා ප්‍රජාතන්ත්‍රවාදය සඳහා වූ සමුළුවට සත්කාරකත්වය දරයි

ප්‍රජාතන්ත්‍රවාදී රටවල් තම ආණ්ඩුක්‍රම ව්‍යවස්ථාවේ දක්වා ඇති වටිනාකම් ලබා දීමේ අවශ්‍යතාවය ඉන්දීය අග්‍රාමාත්‍ය නරේන්ද්‍ර මෝදි බ්‍රහස්පතින්දා අවධාරණය කළේය .

ඉන්දීය අග්‍රාමාත්‍යවරයා මේ බව ප්‍රකාශ කළේ එක්සත් ජනපද ජනාධිපති ජෝ බිඩෙන් විසින් කැඳවන ලද ප්‍රජාතන්ත්‍රවාදය සඳහා වූ සමුළුවේ අතථ්‍ය පූර්ණ සැසියේදීය.,සංවෘත සැසියක් වූ ‌මෙයට ඉන්දියාව ඇතුළු තෝරාගත් රටවල් 12 ක මැදිහත්වීම් දක්නට ලැබුණි.

ඉන්දියා නිවුස් නෙට්වර්ක්ස් වාර්තා කරන අන්දමට, සැසියේදී අගමැති මෝදි ඉන්දීය ප්‍රජාතන්ත්‍රවාදී පාලනයේ කුළුණු හතරක් ලෙස සංවේදීතාව, වගවීම, සහභාගීත්වය සහ ප්‍රතිසංස්කරණ දිශානතිය ගෙනහැර දැක්වීය.

මීට වසර 75කට පෙර මෙවැනි දිනකදී ඉන්දීය ව්‍යවස්ථාදායක සභාව සිය පළමු සැසිවාරය පැවැත්වූ බව අගමැතිවරයා සිහිපත් කළේය.

ඔහු ප්‍රජාතන්ත්‍රවාදයේ මුල් මූලාශ්‍රවලින් එකක් ලෙස ඉන්දියාවේ ශිෂ්ඨාචාරමය ආචාරධර්ම ඉස්මතු කළේය.

නීතියේ ආධිපත්‍යයට ගරු කිරීම සහ බහුත්වවාදී ආචාර ධර්ම ඇතුළු ප්‍රජාතන්ත්‍රවාදී ආත්මය ඉන්දියානුවන් තුළ මුල් බැස ඇති බව අග්‍රාමාත්‍යවරයා පැවසීය. “ඉන්දියානු ඩයස්පෝරාව ද එය රැගෙන යන අතර, එමගින් ඔවුන් ආර්ථික යහපැවැත්මට සහ සමාජ සංහිඳියාවට දායක වේ,” ඔහු වැඩිදුරටත් පැවසීය.

ප්‍රජාතන්ත්‍රවාදයේ මූලධර්ම ගෝලීය පාලනයට ද මඟ පෙන්විය යුතු බව අගමැති මෝදි අවධාරණය කළ බව ඉන්දියා නිවුස් නෙට්වර්ක්ස් පවසයි. ප්‍රජාතන්ත්‍රවාදයට ධනාත්මකව හෝ සෘණාත්මකව බලපෑම් කිරීමට තාක්‍ෂණයට ඇති හැකියාව සැලකිල්ලට ගෙන, තාක්‍ෂණ සමාගම් විවෘත හා ප්‍රජාතන්ත්‍රවාදී සමාජයන් සුරැකීමට දායක විය යුතුය.

ලොව විශාලතම ප්‍රජාතන්ත්‍රවාදී රාජ්‍යය ලෙස ඉන්දියාව සැමවිටම තම අත්දැකීම් සෙසු ප්‍රජාතන්ත්‍රවාදී රටවල් සමඟ බෙදා ගැනීමට සූදානමින් සිටී.

ලොව පුරා ප්‍රජාතන්ත්‍රවාදී රටවල් මුහුණ දෙන අභියෝග සහ අවස්ථාවන් කෙරෙහි අවධානය යොමු කිරීම සඳහා එක්සත් ජනපද ජනාධිපතිවරයා රාජ්‍ය, සිවිල් සමාජයේ සහ පෞද්ගලික අංශයේ නායකයින් සඳහා අතථ්‍ය සමුළුවට සත්කාරකත්වය දරයි.

එක්සත් ජනපද රාජ්‍ය දෙපාර්තමේන්තුවට අනුව ප්‍රජාතන්ත්‍රවාදය සහ මානව හිමිකම් ආරක්ෂා කිරීම සඳහා පුද්ගල සහ සාමූහික කැපවීම්, ප්‍රතිසංස්කරණ සහ මුලපිරීම් ප්‍රකාශයට පත් කිරීමට නායකයින්ට මෙම සමුළුව වේදිකාවක් සපයනු ඇත.

Recommended For You

About the Author: Thusal