රාජ්‍ය නිලධාරීන්ට නොපෙනෙන ‘බෝසත් මවක්’ ගැන සංවේදී කතාවක්

වයස අවුරුදු 44 සහ 46 ආබාධිත දුවයි පුතයි රැකබලා ගන්නා 81 හැවිරිදි මවක්  පිළිබඳව දුක්බර පුවතක් මාතලේ  මඩවල  ඉඹුල්ගොල්ල ප්‍රදේශයෙන් අපට වාර්තා විය.

ඇය වචනයේ පරිසමාර්ථ අර්ථයෙන්ම අම්මා කෙනෙකි. අඩසියසියවසකට ආසන්න කාලයක් තම දරුවන් දෙදෙනෙකු වෙනුවෙන් මුළු ජීවිතයම කැප කළ මෙම අම්මාගේ එකම බලාපොරොත්තුව තමන්ගේ ඇස් දෙක පිය වෙන්න කලින් දරුවන් දෙදෙනාගේ ඇස් දෙක පියවීම බව ඇය හැඬු කඳුළින් අප සමග සඳහන් කළේ තමන් නැති වූ කලක දරුවන් දෙදෙනාට යන කලදසාව ගැන සිත සිතා හඬා වැටෙමින් වීම් විශේෂත්වයකි.

බී. ආර්. ඩබ්ලිව්.දොරකුඹුර අසූ එක් හැවිරිදි සිවුදරු මවගේ ආදරණීය සැමියා ද දශකයකට ඉහත දී මෙලොව හැර ගොස් තිබේ. මෙම මවට දරුවන් හතර දෙනෙකි පිරිමි  දරුවෙකු විවාහ වී වෙනත්  ප්‍රදේශයක  වාසය කරන අතර තවත් දියණියක් මෙම මව සහ සහෝදරයා ත්  සහෝදරියත්  නිසා කසාදය අසාර්ථකවී දරුවෙක් ද සමඟ   මවගේ නිවසේ ජීවත්වන වන්නේ වසර පහළොවකට අධික කාලයක සිටය.

44 හැවිරිදි චමිලා එරන්දතීත්  46 හැවිරිදි නලින්ද බණ්ඩාර උපතින්ම ආබාධිත වූ දරුවන් වෙයි. උපතේ සිට මේ දක්වාම මෙම දරුවන් දෙදෙනා ගේ සියලු අවශ්‍යතා සපුරනු ලබන්නේ මෙම මව විසිනි.

පවුල් සෞඛ්‍ය සේවිකාවක් ලෙස සේවය කරමින් සිටියදී දොරකුඹුර මාතාව   වීශ්‍රාම ගෙන  තම දරුවන්ගේ ජීවිත වෙනුවෙන් කැප කරන්නට සිදුව තිබේ.

ආබාධිත   සහිත දරුවන් දෙදෙනා නැහැවීම කැවීම පෙවීම් ඇඳුම් පැළඳුම් ඇන්ඳවීම් සහ අහර සොයා ගැනීම සියල්ල සිදුවන්නේ මාසිකව ඇයට ලැබෙන රුපියල් 17,000ක විශ්‍රාම  වැටුපෙන් වීම විශේෂත්වයකි.

මෙම මව විඳින  දැඩි දුෂ්කරතාවයත්  සහෝදරයා සහ සහෝදරියට  ද සිදුව ඇති මෙම ආබාධිත තත්ත්වය නිසා ඔවුන්ගේ  වැඩිමහල් සහෝදරිය වන මංජුලා කුමාරි මහත්මියට සිදුවූයේ විවාහ දිවියෙන් ඉවත් වී මවටත් සහෝදරයාටත් සහෝදරියට සැලකීමය. විවාහ දිවිය අවසන් වෙද්දී ඇයටද පාසල් යන දරුවෙක් සිටි ඔහු ද මේ වන විට උසස් අධ්‍යපානය හදාරන දරුවෙකි.

මෙම නිවසට ගිය අවස්ථාවේවේ අපට දැක  ගැනීමට හැකි වුයේ  වැඩිමහලු පුතා අනෙක් දියණියත් මුළු ගේ පුරා දණ ගාමින්  වනු  ගාමින් සිටින ආකාරයයි. ඔවුන්ට කිසිවක් නොතේරෙන අය වෙති. මළ මුත්‍ර කිරීම පිරිසිදු කිරීම් ආදී සියල්ල සිදු වන්නේ මෙම මෑණියන් සහ මංජුලා කුමාරි යන  දෙදෙනා අතිනි. කෙසේ වෙතත් මෙම මාතාව සහ මංජුලා කුමාරි අප සමග කියා සිටියේ අඩුම තරමේ සහනාධාර මුදලක් හෝ  ආහාර පාන සොයා   ගැගැනීමට නොහැකිව අන්ත අසරණ තත්ත්වයට පත්ව ඇති බවය.

මේ දෙපලට රෝද පුටුවක් ලබා ගැනීමට නොහැකි වීම වසර ගණනාවක් සිටම සිහිනයක් වී තිබේ. මෙම අයට වත් පිළිවෙත් කිරීම පිරිසිදු කිරීම් සඳහා නිවස පිටුපස ඇති ටැංකියක් වෙත රැගෙන ගොස් සිදුකරයි. කෙසේ වෙතත් දැඩි   අවධානමක් ගෙන මේ මව ආබාධිත දරුවන්ගේ රැවුල් කොන්ඩ කපා පිරිසිදු කිරීම් සිදු කරන අතර අනික් දියණියගේ සියලු අවශයතාවයන් ද සිදු කරයි.

මෙම අයගේ එකම බලා බලාපොරොත්තුව රෝදපුටුවක් ලබා ගැනීම නිවස තුළම  වැසිකිළි කැසිකිළි සහ දිය නෑමට අවශ්‍ය පහසුකම් සපයා ගැනීම මෙම දෙදෙනාට ආහාර අවශ්‍යතාවය පවතින බවත් ඔවුහු අප සමග සඳහන් කළහ.

මෙම අසරණ පවුලට කාගේ හෝ උදව්වක්වක් උපකාරයක්යක් ඉල්ලා ජනාධිපති වරයාගේ සිට පහළම ඉන්න රාජ්‍ය නිලධාරියා දක්වා ම තම දුක සඳහන් කළ ද රුපියල්17,000ක  විශ්‍රම වැටුප ලැබෙන නිසා රජයෙන් ලැබෙන සියලු වරප්‍රසාද මෙම පවුලට අහිමි වී ඇත්තේ අප රටේ නීති සම්පාදනය වී ඇති නිසාවෙනි.

කෙසේ වෙතත් මේ වන විට එම පවුලේ පස් දෙනෙකුගේ ආහාර වේල් සරිකර ගන්නට  බෙහෙත් හේත් වලට වියදම් කිරීම් දරුවරුවෙකු උසස් අධ්‍යාපනය කිරීම ආදී සියලු කටයුතු සිදු වන්නේ මෙම 81 වියැති  මවට ලැබෙන එම  විශ්‍රාම  වැටුපෙන් බව ඇය සඳහන් කළාය.

අසරණ මෙම  පවුලට  කාගේ හෝ උදව්වක්  උපකාරයක්  ලබාදීමට හැකිනම්   ඔවුන්ගේ ඉල් ලිපිනය බී. ආර්. ඩබ්ලිව්. දොරකුඹුර ලිනි පිටිය වත්ත, කුබල් ඔළුව, ඉඹුල්ගොල්ල,  මාතලේ. දුරකථන අංකය  077 46 42 755. මාතලේ මහජන බැංකුවේ ඇය නමින් ගිණුම්ක් ද පවතී, ගිණුම් අංකය 00 2 2 001 5 2752120.

සටහන සහ ඡායාරූප – කාංචන කුමාර ආරියදාස – දඹුල්ල

Recommended For You

About the Author: Thusal